General Rules

શેઠ માણેકલાલ જેઠાભાઈ પુસ્તકાલય

વાચનાલયનો ઉપયોગ કરતા વાચકો માટેના નિયમો:

૧. પાગલ, નશો કરેલી કે ચેપી રોગથી પિડાતી કોઈ વ્યક્તિને પ્રવેશ આપવામાં આવશે નહીં.

૨. વાચનાલયમાં પ્રવેશતા કોઈપણ વાચકને પોતાની સાથે પાળેલા પશુ-પક્ષી, બેગ, થેલી, છત્રી, લાકડી, વિસ્ફોટક પદાર્થ કે પ્રવાહી,

    ઘાતક પદાર્થ કે પ્રવાહી જેવી કોઈપણ વસ્તુ લઇ જવા દેવામાં આવશે નહીં.

૩. વાચનાલયમાં ધુમ્રપાન, તમાકુ, ગુટકા જેવા માદક તત્વોનો નિષેધ છે.

૪. વાચનાલયમાં ગમે ત્યાં થૂકવું નહી. પાન ખાઈને પિચકારી મારવી નહી. ગંદકી કરવી નહી.

૫. વાચનાલયમાં દરેક વાચકે બીજા વાચકને તકલીફ ન થાય તે રીતે વિચારી સંપૂર્ણ શાંતિ જાળવવાની રહેશે.

૬. વાચનાલયમાં વાચન કરતા અન્ય વાચકોને વાચન ધ્યાનભંગ ન થાય તે માટે મોબાઈલ ફોન સ્વીચ ઓફ રાખવો.

૭. વાચનાલયમાં દરેક વાચકે શિસ્ત,સંયમ અને સભ્યતાથી બેસી વાંચન કરવાનું રહેશે.

૮. બીન જરૂરી ચર્ચા, મોટેથી વાતો કરવી, મોટા અવાજે બોલવુ, ઘાંટા પાડવા, ખોટી ફરિયાદો કરવી, વાચકો અને કર્મચારીઓ સાથે

     અસભ્ય વર્તન કરનારને વાચનાલયમાં બેસવા દેવામાં આવશે નહીં.

૯. વાચનાલયમાં માત્ર વાચન માટે જ પ્રવેશ આપવામાં આવતો હોવાથી બીન જરૂરી સમય પસાર કરવા બેસી રહેવું, આંખો બંધ કરીને

     ઊંઘવા જેવી કોઈપણ પ્રવુત્તિ કરવી નહીં.

૧૦. સામયિક રજીસ્ટ્રેશનરૂમમાં અધિકૃત વ્યક્તિ સિવાય અન્ય કોઈપણ વાચકે પ્રવેશ કરવો નહીં. કોઈપણ વાચન સામગ્રીની માગણી હોય

       ત્યારે પુસ્તકાલયના કર્મચારીને જણાવાનું રહેશે.

૧૧. વર્તમાનપત્ર - સામયિક જ્યાંથી મેળવ્યું હોય ત્યાંજ મૂકવાનું રહેશે.

૧૨. વર્તમાનપત્ર - સામયિકમાં કોઈપણ પ્રકારનું લખાણ,લીટા,બોક્સ કે અન્ય રીતે બગાડ કરી શકાશે નહીં.

૧૩. કોઈપણ વાચન સામગ્રીમાંથી પાનાં ફાડવા, ફોટા પાડવા, પાનાં ખરાબ કરવા, બાઇન્ડીંગને નુકશાન પહોંચાડવા જેવી કોઈપણ    

      પ્રવુત્તિ કરી શકાશે નહીં.

૧૪. વર્તમાનપત્રો - સામયિકો રેક્સ પર ડિસ્પલે કરવામાં આવ્યા છે તેનો વ્યવસ્થિત રીતે ઉપયોગ કરવો અગત્યના તેમજ કિમતી સામયિકો માટે આઇકાર્ડ

      જમા કરાવે આપવામાં આવશે અને જૂના કોઈપણ અંકોની જરૂરિયાત હોય તો ડિમાન્ડ સ્લીપ ભરીને કર્મચારીને આપવાથી જરૂરી અંકો

      વધુમાં વધુ બે અંકોની મર્યાદામાં પૂરા પાડવામાં આવશે તથા અગત્યના તેમજ મૂલ્યવાન (કિંમતી) સામયિકો માટે આઇકાર્ડ જમા

      કરાવ્યાં બાદ સામયિકો આપવામાં આવશે.

૧૫. કોઈપણ વાચક વર્તમાનપત્ર - સામયિકોના અંકોને નુકશાન કરશે તો ગ્રંથપાલશ્રીની સૂચના અનુસાર જે તે અંક નવો લાવીને

       આપવાનો રહેશે અથવા ગ્રંથપાલશ્રી નક્કી કરે તે નુકશાનીની રકમ ભરપાઈ કરવાની રહેશે.

૧૬. જૂના વર્તમાનપત્રોના અંકો અથવા સામયિકના અંકોની માંગણી કરનાર વાચકે પુસ્તકાલયનું વાચક સભ્યપદ ધરાવવું જરૂરી છે.

૧૭. જે તે દિવસના વર્તમાનપત્રોનો ઉપયોગ કરતા વાચકોને અન્ય વાચકોને વાચન લાભ મળી શકે તે હેતુથી દસ મિનિટથી વધુ સમય

      વાંચન માટે બેસવા દેવામાં આવશે નહીં.

૧૮. દરરોજના નવા મળેલા સામાયિક-અંકોની નોંધ વાચનાલયના નોટીસ બોર્ડ પર મૂકવામાં આવતી હોય છે. આથી આ બાબતે અન્ય    

      કોઈ પૃચ્છા કરવી નહીં.

૧૯. પુસ્તકાલય અને વાંચન સામગ્રી આપની પોતાની સહિયારી છે આપને વાંચીએ અને બીજાઓને વાંચવા દઈએ.

૨૦. વાચનાલય સંબંધી અન્ય કોઈ મુશ્કેલીઓ હોય તો સામયિક વિભાગના ઇન્ચાર્જનો સંપર્ક કરવો.

 

MJ Library

Time : 7:30 am to 7:30 pm

Reading Time : 7:30 am to 10:00 pm

Membership Fee

Annual fee : 200 Fee + 300 Deposite  =  Rs. 500 

Lifetime Membership : Rs. 1500

Login Module

Who's Online

We have 5 guests and no members online